Видео | Хорор во хотелот „Европа”, некогашната гордост на Отешево

Ова е кратко видео сведоштво за една типична негрижа од македонското општество кон нешто вредно што сме го поседувале.
Хотелот „Европа” веќе 15 години претставува само едно сведоштво за постоењето на овој хотелски комплекс кој своевремено бил едно од најатрактивните места за летување во Македонија, сè додека не го зафатил голем пожар, кој крадците го искористиле за целосно да ја докрајчат внатрешноста.

View this post on Instagram

Прошетка низ напуштениот хотел „Европа“. Бидејќи многумина ме распрашуваа и се интересираа за хотелот „Европа“ во Отешево кој неодамна го посетив, решив да склопам една видео прошетка низ оваа градба, која веќе 15 години претставува само едно сведоштво за постоењето на овој хотелски комплекс кој своевремено бил едно од најатрактивните места за летување во Македонија, сè додека не го зафатил голем пожар, кој крадците го искористиле за целосно да ја докрајчат внатрешноста. Пред да стапнам внатре, сè уште го замислував онака како што го паметам кога како дете со моите родители летувавме тука: средени соби, многу гости, детски жагор, ресторан со убава храна и жива музика… Денес, освен препознатливата фасада, ништо повеќе не е исто. Толку е тивко што секој шум те вади од такт. Сите седум катови наликуваат исто, празни и демолирани соби, уништени тераси и звуци од глувци и лилјаци (веројатно и тие збунети што некој им го ремети мирот). Сепак, една од работите кои останале исти е погледот кон езерото, една од најпрепознатливите карактеристики на „Европа“, кој е изграден така што секоја соба имала поглед кон прекрасниот езерски хоризонт. Во минатите години, многумина ветувале обнова на хотелот, секоја нова власт најавувала инвеститори кои ќе го вратат сјајот на овој преспански бисер, но за жал, до тоа никогаш не дошло.  А кој знае, можеби и навистина некогаш повторно ќе заживее хотел „Европа“… Дали и вие имате некакви спомени од овој хотел или пак знаете некое слично место? . . #НеистраженаМакедонија #rebornphoto #instagraphymkd #instagraphytk #фотонанеделата #фотонаденот #инстаграмџии #hauntedhouse #hauntedhotel #revoshot #natureloversmacedonia #vscobalkan #vscomacedonia #истражијамакедонија #exploremacedonia #Macedonia #Македонија #macedoniatravel #macedonianlife #gopro #video #prespa #otesevo #abandonedbuilding #findyourwild #pixelpanda #killergrams #hotel #nikon

A post shared by Marko Dzambazoski (@markodzambazoski) on Sep 19, 2019 at 8:10am PDT