Италијанската драмска серија за модната куќа „Женски рај“ на Телма

„Женски рај“ (Il paradiso delle signore) е италијанска драмска серија сместена во модниот свет на Милано од 50-тите години. Низ љубов, амбиции и тајни, ги следи животите на вработените во една престижна стоковна куќа и нивните лични приказни.

Дејствието се одвива во Милано кон крајот на 1950-тите, каде што легендарниот бутик „Парадизо“ повторно се отвора под водство на Виторио Конти. Со помош на влијателниот банкар Умберто Гуарниери, продавницата станува центар не само на модата, туку и на интриги, амбиции и љубовни приказни.

Додека новите „Венери“ (продавачки) се борат за своето место, се развиваат бројни романтични врски, семејни тајни и деловни конфликти. Минатото на некои ликови – особено поврзано со убиството на Пјетро Мори и исчезнатата Андреина – продолжува да ги прогонува, носејќи нови драматични пресврти.

Серијата ги истражува соништата, разочарувањата и надежите на ликовите, прикажувајќи како љубовта, амбицијата и тајните се испреплетуваат во динамичниот свет на еден од првите модерни трговски центри за жени.

Од понеделник до петок на Телма во 13.45 часот. Репризите се сабота и недела претпладне.

Дани | ТВ Пакет