Почетна / Забава / Кампања | Дурекс #DoNotDisturb сака да го оставите телефонот

Кампања | Дурекс #DoNotDisturb сака да го оставите телефонот

 

Не е новост дека луѓето имаат секс цело време… со или без нивните смартфони.

 

 

За таа цел, Premier и TMW Unlimited се здружија и ја лансираа кампањата #DoNotDisturb (не вознемирувај) за брендот Дурекс. #DoNotDisturb е социјален експеримент, кој истражува како исклучувањето на смартфоните може да им помогне на паровите повторно да се поврзаат и да уживаат во летниот секс. Експериментот однесе шест парови на одмор и ги принуди половината парови да се откажат од своите смартфони и лаптопи во моментот кога пристигнаа во хотелот. Истовремено, Premier и TMW Unlimited започнаа да го документираат експериментот со видеа.

Секако, многу очигледниот заклучок кој го изведе студијата беше дека паровите кои беа слободни од технолошките уреди се поврзале повеќе за време на нивниот одмор, повеќе ги ценеле содржините од одморот и најверојатно имале повеќе и подобар секс.

 

 

Кампањата и експериментот беа инспирирани од анкета спроведена од Дурекс, каде резултатите покажаа дека 52% од луѓето очекувале да имаат подобар секс за време на летните одмори, додека пак 60% изјавиле дека нивниот одмор не ги исполнил овие нивни очекувања. 40% изјавиле дека имала помала шанса да иницираат секс доколку нивниот партнер е со телефонот во кревет, а 57% изјавиле дека ќе бидат повеќе “загреани” за секс доколку нивниот партнер го исклучи телефонот. Загрижувачко е што 41% од испитаниците признале дека, дури и за време на одморот, често се наоѓале во ситуација кога двајцата партнери се во кревет и се концентрираат на своите мобилни уреди.

Со други зборови, “експериментот” беше повеќе како илустрација на овие резултати, меѓутоа од друга страна пак го отсликува загрижувачкиот тренд кај паровите, особено кај помладите парови, кои поминуваат повеќе време на мобилниот телефон, отколку со партнерот. 

 

 

 

МОЖЕБИ ЌЕ ВЕ ИНТЕРЕСИРА

Македонска Филхармонија со концерт насловен „Сила“ на 7 март

Овој четврток, со почеток во 20 часот, оркестарот на Македонската Филхармонија ќе го изведе концертот …

Leave a Reply

error: Содржината е заштитена!