Почетна / Живот / Детскиот ликовен конкурс „Зимска приказна” отворен до 30 декември

Детскиот ликовен конкурс „Зимска приказна” отворен до 30 декември

Во пресрет на Нова година и Божиќ, Амбасадата на Русија во земјава објавува нов детски ликовен конкурс „Зимска приказна”, посветен на традициите за овие празници во нашите две држави.На конкурсот, кој е отворен до 30 декември, можат да учествуваат сите млади на возраст до 18 години.

Цртежите на наведената тема учесниците ќе можат да ги споделат на својот Фејсбук профил, кој треба да биде отворен и да го означат (тагнат) Фејсбук профилот на Руската амбасада или да ги испратат на е-mail на Амбасадата: skopje@mid.ru или на Фејсбук профилот на Амбасадата. Неопходно е да се наведат име и презиме, возраст, град на живеење и контактни податоци на авторот (телефонски број и e-mail).

Најдобрите цртежи ќе бидат објавени на официјалните страници на Амбасадата и Россотрудничество. Резултатите од конкурсот ќе бидат објавени на 13 јануари.

На победниците ќе им бидат доделени награди и подароци.

Руската амбасада информира дека на претходниот конкурс по повод Денот на Русија – „Русија преку очите на децата” учествувале повеќе од 50 деца.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Скопската Зоолошка е на прагот да стане членка на европската ЕАЗА

Изминатите две и пол години, Скопје Зоо доби нов лик, нови животни и многу новитети. …

error: Содржината е заштитена!