Почетна / Телевизија / МРТ 5 – нов детски канал на Македонската телевизија

МРТ 5 – нов детски канал на Македонската телевизија

Претендирајќи да биде модерен јавен сервис кој има значајно место на медиумската сцена, а со цел реализација на препораките од Владата на Република С. Македонија, ЈРП Македонската Радио Телевизија почнува со емитување на Детскиот канал на МРТ – МРТ 5, нов ТВ програмски сервис од јавен интерес.

Следењето на мислењето и реакциите на јавноста, ја наметна потребата од специјализирани програми наменети за прецизен таргет на публика.

Содржини за деца и млади ќе бидат основа за креирање на програмската шема на Детскиот канал на МРТ каде веќе се емитуваат репризно детските содржини кои неколкупати се прикажувале и на првиот канал.

Па така, гледачите повторно, но на нова фреквенција, ќе имаат можност да ги следат детските цртани серии Дора, Диего и Лалалупси, домашните играни продукции Пет плус фамилија, Си беше еднаш, Дајте музика, Бушава азбука и Светот на Биби, како и репризи на детски музички фестивали и театарски претстави.

Овој нов предизвик за МРТ, всушност претставува континуитет на улогата и влијанието што го има Образовната програма на МТВ во формирањето на личноста на децата и младите луѓе и во градењето на нивниот критериум за вистинските вредности.

Детска програма на новиот детски канал МРТ5

Gepostet von МРТ1 Промо am Freitag, 10. April 2020

 

Современиот пристап во изборот на содржините кои едуцираат, информираат и забавуваат, како и понудата на сите жанрови програма за деца, се гаранција дека Детскиот канал – МРТ 5, ќе има голем број ТВ конзументи од целната група.

Дани | ТВ Пакет

МОЖЕБИ ЌЕ ВЕ ИНТЕРЕСИРА

ААВМУ ја осуди изјавата на Ковачевски во врска со медиумите

Агенцијата за аудио и аудиовизуелни медиумски услуги најостро ја осудува изјавата на претседателот на политичката …

Leave a Reply

error: Содржината е заштитена!