Почетна / МК Сцена / „Година по година“, нова емотивна песна на Лазар и Елена Наумови

„Година по година“, нова емотивна песна на Лазар и Елена Наумови

„Зошто молчиш ќерко, солзи сокриваш
каде пат ќе тргаш, збор не кажуваш…“

…се првите стихови од новата, полна со емоции, песна на дуетот на таткото и ќерката, Лазар и Елена Наумови, а насловена како Година по година.

Лазар и Елена, подолг период се присутни на нашата музичка сцена пред се како членови на групата „Бумбари“ од Штип каде со своите роднини имаат бројни настапи во Македонија и надвор од земјата. Имаат реализирано голем број студиски снимки како и настапи на фестивалските сцени. Лазар и Еленеа за прв пат снимаат дует песна и тоа со содржина во која е опишан вистински дел од нивниот живот, но ведно и животот на голем број наши семејства.

Автор на текстот и музиката е Ристо Самарџиев, кој во музиката и авторството е попознат и поприсутен во некои поинакви музички води, но според него музиката не познава жанрови, и таа се разликува само по квалитетот и се дели на посебна, добра и помалку добра.

Композицијата е снимена во Студиото на Цане Петров кој го изработи и аранжманот за оваа песна.

“Година по година” на силен и емотивен начин ја испраќа пораката дека сите кои плланираат да заминат или пак заминале од својата земја или од својот дом, да не го заборават гнездото во кое растеле и да не ги заборават своите корени.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Концерт на Funk Shui во културно-едукативниот центар Лабораториум

Funk Shui ја одбележаа 2023та со преку 20 концерти во Европа и на Балканот (Берлин, …

error: Содржината е заштитена!