Почетна / Uncategorized / Честит 3 Мај – меѓународниот ден на слободата на медиумите

Честит 3 Мај – меѓународниот ден на слободата на медиумите

Секоја година, на 3 мај се слават фундаменталните принципи и независноста на медиумите, се оценува нивната слобода и се оддава почит на новинарите кои ги загубиле своите животи при вршење на професионалните обврски. Воедно, овој ден служи и како потсетник за улогата на медиумите во развојот на демократијата и обврската на владите да ја почитуваат нивната слобода.

Годинава, светскиот ден на медиумите се одбележува под мотото „Новинарство без страв и наклонетост“, при што акцентот е на тоа дека независните медиуми, ослободени од сите видови притисоци, играат клучна улога во носењето на информирани одлуки и во обезбедувањето транспарентност и одговорност на институциите.

Во услови кога пандемијата од COVID-19 го диктира темпото на живот, навремени, веродостојни информации и нивниот слободен тек се суштински во соочувањето, разбирањето и надминувањето на кризата. Професионалното, етичко и точно известување придонесува не само за превенција и справување со заразата, туку и за разобличување на дезинформациите и на лажните медицински совети кои би можеле да го загрозат здравјето. Токму затоа е неопходно да се овозможи слободен и еднаков пристап до информациите и да не се ограничува слободата на движење на новинарите.

Воедно повторно апелираме дека е неопхопдно да се вложат максимални напори за обезбедување заштита и безбедност на медиумските работници при извршување на професионалните задачи. – објави Агенцијата за аудио и аудиовизуелни услуги на Македонија.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Левица за Телма: Oстанете да тонете во малициозност и аматеризам

Жесток допис на претседателот на политичката партија Левица, Димитар Апасиев до ТВ Телма, а кој …

Leave a Reply

error: Содржината е заштитена!