Почетна / Телевизија / Викенд на Сител пред излогот на стоковната ЈУ куќа во 13 часот

Викенд на Сител пред излогот на стоковната ЈУ куќа во 13 часот

 

Отсега во 13 часот, пред “Докторот од планината”

 

“Направено по ЈУС” е српска документарно забавна емисија, која се емитуваше во сабота и недела пред Дневникот на Сител, но започнувајќи од оваа сабота, терминот на овој забавен тв документ се менува. Носталгичари, потсетете се на времето на бивша Југославија и феномените на популарната култура од тоа време од сега во сабота и недела во 13 часот.

 

 

Од првите влијанија на западната култура во 50-тите години одминатиот век во тогаш новородените ЈУ фестивали, до новите бранови на ју музика, од партизанските играни спектакли до комедиите на Душко Ковачевиќ и освојувањето на Купот на Шампионите … оваа емисија ќе ни ги доближи луѓето од тие денови, тие времиња, кои ќе збруваат за своите подвизи, падови, за смеата, заедничкиот живот на сите екс ју народи, за братството и единството, за Тито, за сето тоа што се пренесува на новите генерации.

 

 

150 интервјуа снимени во Скопје, Белград, Љубљана, Сплит, Загреб, Сараево кои немаат за цел да ни доловат ју носталгија, туку ќе прикажат дел од нашата колективна историја, дел од едно време и луѓе кои го претставуваат тоа време. Независно од сегашното име на државите и народите, ова е уште еден квалитетен српски тв проект, кој ќе нѐ донесе пред излогот на големата стоковна куќа.

 

 

Како се чувствувал Сале Ѓорѓевиќ додека гледал како топката влегува во кошот на финалето во Истанбул, која пејачка прва ги покажа своите облини, дали Отпишаните навистина постоеле, колку луѓе го гледаа Валтер додека го брани Сараево, што мисли Бата Живојиновиќ за тоа, која е напродаваната плоча на сите времиња на овие простори, кои биле феномените Бијело дугме и многу повеќе во наредните изданија на емисијата.

 

 

“Направено по ЈУС” ни ги носи најголемите музички и актерски имиња од овие простори, првите успеси на Ѕвезда и Партизан, култните филмски ју комедии и Олимписките игри во Сараево. Одсега за викенд во 13 часот.

 

Дани | ТВ Пакет

 

МОЖЕБИ ЌЕ ВЕ ИНТЕРЕСИРА

Српскиот квиз „Столици“ секое попладне на ТВ 24

Српскиот квиз “Столици” започна со емитување на ТВ 24, од понеделник до петок во 17.45 …

Leave a Reply