Замислете си желба со Каролина во новогодишното шоу на МРТ 1

Најголемиот музички бренд на македонско тло не престанува да изненадува и восхитува.

Од омиленото девојче во 90тите до најсаканата тин ѕвезда во 2000тите, од етно девојче години потоа до она што е денес – ѕвезда без конкуренција, дама како од Панама, брилијантна појава со гламурозен стас и спектакуларен глас.

По музичкиот маратон со кој постави нови стандарди во македонската музика и го врати гламурот на сцена, сега е време со музичката икона да ја поминеме и најубавата ноќ во годината. Супербрендот само за вас и само со вас на првиот канал на МТВ со екстравагантно мега шоу.

На сцената пред камерите нема да биде сама, а друштво ќе и прават колегите Влатко Лозаноски, Елена Ристеска, младата Лара Иванова, Пијан славеј и тинејџерите од серијата „Тин-камп“.

Мерак за душа, мерак за очи со Каролина Гочева. Стајлинзи кои одговатраат само на светска ѕвезда и прилагодени за оваа свечена, но весела пригода.

Не заборавајте да уживате во она што го приреди МРТ заедно со Каролина. По мелодичните и нежни песни за љубов и копнеж, време е за нов спектакл со Каролина во новогодишната програма на Македонската телевизија.

Замислете си желба и Каролина е тука за да ја оствари само за Вас. Ако сакате да ве прати среќа цела година, тогаш дочек со Каролина е единствената солуција за сите нас.

Дани | ТВ Пакет