Почетна / МК Сцена / Видео | Борис го промовираше музичкиот проект „Ris Flower“

Видео | Борис го промовираше музичкиот проект „Ris Flower“

Во бројно присуство на афирмирани артисти, музички експерти, колеги, пријатели и новинари минатата среда во кафулето „Каза бар“ во Скопје беше промовиран новиот музички проект на македонскиот артист Борис Цветановски, кој на интернационалната музичка сцена ќе се претстави под псевдонимот Ris Flower.


Неговата експлозивност како фронтмен препознаена од многумина, во комбинација со творењето на привлечни популарни теми и заразни мелодии, отпеани на англиски јазик, тој создава производ кој неоспорно има капацитет за достигнување на светските плејлисти.


Мистериозните текстови споени со музичките теми кои би допреле до секој, го дефинираат Ris Flower како инди-поп артист со мноштво од рок, денс-рок, пост-брит поп и инди-хаус елементи.


Снимањето и обработката на овој музички проект се направени од врвни и докажани продуценти во едни од технички најопремените и модерни музички студија во Турција, додека ангажираните музичари и продуценти за овој проект се всушност соработници на најголемите турски ѕвезди како Таркан, Мустафа Сандал, Сертеб Еренер и многу други.


Како продуценти и автори на аранжмани во овој проект се јавуваат Павле Васиљевиќ и Мустафа Чанбазлар, Арикан Сиракаја – микс и мастеринг (Studio Ari), Ема Јакимова како проект координатор и контент креатор и Даниела Ѓуровска како главен стилист.


Првата песна од овој проект е насловена „Translucent”, за која е изработен и видео запис. Темата во видеото е заробеноста на ограничениот ум во „коцката” (кутијата) и трнливиот пат кој треба да се мине за да се излезе од неа и да се дојде до состојба на слобода, конечно ослободување на умот.

Снимањето, продукцијата и режијата на видео записот е комплетно дело на Андреј Ѓорѓиевски. „Translucent” е најава за се она во периодот што следи од „Ris Flower”.

Борис Цветановски можете да го следите на сите популарни музички платформи Apple Music, Spotify , Deezer, и на неговиот официјален YouTube канал на музичкиот сервис VEVO.

Дани | ТВ Пакет

МОЖЕБИ ЌЕ ВЕ ИНТЕРЕСИРА

„Година по година“, нова емотивна песна на Лазар и Елена Наумови

„Зошто молчиш ќерко, солзи сокриваш каде пат ќе тргаш, збор не кажуваш…“ …се првите стихови …

error: Содржината е заштитена!