Реалното шоу на Пинк телевизија започнува и на Алфа

Од недела, 14 октомври на Алфа телевизија започнува најновата сезона на српското реално шоу “Задруга”. Се работи за емисија, слична на познатите “Фарма”, “Дворец” и “Парови” реализирана со висок буџет, а чија втора сезона започна со емитување на Пинк телевизија пред еден месец. Концептот е јасен за гледачите – околу триесетина контроверзни српски јавни личности домуваат во специјално изграден комплекс, каде се под видео надзор на камерите на Пинк 24 часа.

Караници, секс скандали, лукави игри и забава е она што ќе се случува во куќата секојдневно, а што ќе ги заинтригира гледачите на Алфа кои се желни за ваков вид на телевизиска програма. Дел од натпреварувачите се Луна Џогани, Мика и Гиба, Адам Џогани, Јелена Круниќ, Алекса Савиќ, Наташа Москва, Оља Бајрами, Тома Паниќ, Злата Ѓурѓовиќ, Јовица Путниковиќ и ред други риалити ѕвезди кои се познати за српската публика по учества во ваков тип на емисии.

Вечерва, 20.30 часот на Алфа ТВ започнува “Задруга”, а од утре пресек на денот секоја вечер по 22 часот.

Дани | ТВ Пакет