Почетна / МК Сцена / Лидер бенд ја носи македонската песна во Бугарија

Лидер бенд ја носи македонската песна во Бугарија

Прилепчаните „Лидер бенд“, кои на публиката и станаа препознатливи по прекрасната песна „Калдрма“ која е со староградски призвук, тргнаа во поход за освојување на бугарскиот музички пазар и преставување на македонскиот староградски мелос пред балканската публика.

Откако пејачот на групата, Стефан, минатата сезона беше дел од шоуто  „Ѕвездите на Гранд“ и остана забележан како скромен и амбициозен Македонец кој достојно ја претставува нашата држава, работите за овој наш бенд тргнаа кон подобро, а поканата за настап во Бугарија е само дел од низата гостувања кои треба да се остварат следниот период.

Нашите претставници, Стефан и Лидер бенд ќе бидат дел од традиционалната манифестација „Бугарско – македонски староградски вечери“ која оваа година ќе се одржи во хотелот „Парк“ во петок (27 ноември) во Благоевград, Бугарија, а според информациите на организаторите се бара карта повеќе за настанот.

Од „Лидер бенд“ велат дека се борат што повеќе да се слуша, почитува и сака македонската песна. Со таа цел одат и во Бугарија, за да уште еднаш покажат пред гостите кое музичко богатство го имаме ние, Македонците. 

 

МОЖЕБИ ЌЕ ВЕ ИНТЕРЕСИРА

Тамара Волческа ја оживеа нејзината прва песна „Do you remember“

На 10.03.2024 година, во 12:00 часот, Тамара Волческа ја промовираше својата нова песна на македонски …

Leave a Reply

error: Содржината е заштитена!