Почетна / Серии / Ексклузивно | „Gossip Girl“ од септември на МТВ

Ексклузивно | „Gossip Girl“ од септември на МТВ

Меѓу многуте американски серии со кои Македонската радио телевизија ќе ја освои публиката од септември, се истакнува и она најдоброто – Gossip Girl.

 

„Озборувачка“ е американска тинејџерска драмска ТВ серија настаната според серијата книги со истоимениот наслов, на авторката Сесили Вон Зигесер. Автори на серијата се Џош Шварц (Округот Оринџ) и Стефани Савач. Серијата стана глобален феномен најмногу поради интересните тинејџерски содржини и привлечна актерска екипа.

 

 

Број на сезони: 5
Број на епизоди: 111

Серијата започнува со враќањето на Серена Ван Дер Вудсен на Менхетн по школувањето во приватната школа во Конектикат. Блер Валдорф е нејзината долгогодишна пријателка и повремена непријателка, а воедно е и „кралица“ на друштвената сцена на Менхетн. Исто така, серијата го следи и животот на Чак Бас, злобното момче од Upper East Side, Нејт Арчибалд, најдобриот пријател на Чак, и аутсајдерот кој по игра на случајност ќе биде вовлечен во турбулентната сцена на Менхетн – Ден Хамфри, кој е вљубен во Серена. Тука се и Ванеса Абрамс, најдобрата пријателка на Ден, и Џени Хамфри, младата и амбициозна сестра на Ден која најмногу посакува да биде дел од високата елита на Њујорк.

 

 

 

DarkShadow | ТВ Пакет

 

МОЖЕБИ ЌЕ ВЕ ИНТЕРЕСИРА

Прајмтајм серии | Термини на емитување и броеви на епизоди