Почетна / Филм / Филмска саботна вечер со два акциони трилери на МТВ 1

Филмска саботна вечер со два акциони трилери на МТВ 1

Вечерва, 20 октомври, во 21.45 часот на МТВ 1 ќе биде емитуван акциониот трилер на Стивен Рејнолдс – “Interroation” (Истрага). Испитувачот на ФБИ (Адам Коупленд) и специјалистот по информатичка технологија( Ц.Џ. Пери) имат многу важна задача и осмислуваат извонреден криминален план за да ја откријат вистинската цел на злосторникот.

Откако ФБИ добива закана со која е загрозен целиот град, тие двајца започнуваат серија на умствени игри со брилијантниот криминалец, очајно тркајќи се со времето за да стигнат до целта, а воедно да заштитат илјадници животи. Коупленд и Пери се ненадминливи во овој возбудлив трилер доведувајќи нѐ до работ на неизвесност.

Веднаш потоа, во 23.30 часот ќе биде емитувана уште една акција. “Одмаздата на зелените змејови” е американско хонг конгшки филм во режија на Ваи-Кеунг Лау и Ендрју Лу.

Сони и Стивен се браќа- емигранти во Њујорк, во 80-тите години. Тие ѝ се придружуваат на бандата „ Зелени змејови“ и во Кинескиот кварт брзо напредуваат во хиерархијата. На тој начин го привлекуваат вниманието и на најтврдокорните градски полицајци. Кога Сони станува жртва на фатална љубов, која ќе го „ сврти“ и против својот брат, тој сака да им се одмазди и на останатите членови на бандата, кои го направиле таков каков што е.

Дани | ТВ Пакет

МОЖЕБИ ЌЕ ВЕ ИНТЕРЕСИРА

На 25 април, Телма ќе ги емитува престижните награди Оскар 2021

„Оскари 2021“ ќе биде настан што ќе се емитува во живо од повеќе локации. Ноќта …

error: Содржината е заштитена!