Фото | „Зоки Поки“ започнува со емитување на 4 мај на МРТ 1

Новата детска серија „Зоки Поки“ започнува со емитување во понеделник, 4 мај 2020 година на првиот канал на МТВ.

Десетте епизоди ќе се емитуваат секој понеделник и четврток во 20:15 часот со репризи наредниот ден и во сабота и недела.

По емитувањето на МРТ, наредниот ден, епизодите ќе се поставуваат и на веб-страницата ZokiPoki.mk и на официјалниот YouTube канал.

Пред официјалниот почеток на емитувањето, екипата на „Зоки Поки“ споделува симпатично видео за запознавање со децата-актери кои ги толкуваат главните улоги.

Во видеото, Матеј Настевски, кој ја толкува улогата на Зоки Поки, Анастасија Аневска, која ја игра Лидија, Матео Матоски, односно Боки и Матеј Зимбаков, кој го глуми Гоки, зборуваат за искуството со снимањето на серијата, базирана на познатата лектира за прво одделение.

 

Дани | ТВ Пакет