Почетна / МК Сцена / Кој сè ќе настапи на “Скопје Џез фестивал 2014”

Кој сè ќе настапи на “Скопје Џез фестивал 2014”

 

Од 16 до 19 октомври во Скопје ќе се одржува 33-тото издание на Скопскиот Џез фестивал. САД, Норвешка, Велика Британија, Шведска, Бразил, Јужна Кореја, Белгија, Австралија и Швајцарија се земјите од кои доаѓаат популарните џез музичари кои ќе настапат на фестивалот.

 

Во целост ви ја пренесуваме програмата за сите четири дена, заедно со местата и часот на одржување:

 

 

16 октомври

– Универзална сала, 20 часот – настапуваат корејската џез вокалистка Youn sun nah, шведскиот гитарист Ulf Vakenius и американската музичкарка Terry Lyne. Тери со својот квартет ќе го претстави актуелниот проект “Money Jungle: Provocative in Blue”, нејзиниот омаж на исконскиот албум “Money Jungle” на легендарното трио на Дјук Елингтон, Чарлс Мингус и Макс Роач од 1963 година.

– Скопје Сити мол, по полноќ ќе настапи саксофонистот Мачиеј Обара – „ Мачиеј Обара интернејшнл“.

 

17 октомври

– Универзална сала, 20 часот – ќе натсапат 24 члениот бенд „Fire! Orchestra“, 24-члениот биг-бенд, под диригентската палка на Матс Густавсон, како и швајцарскиот пијанист и композитор Ник Барч, придружуван од составот „Ronin Rhythm Clan“.

– Скопје Сити Мол, по полноќ – белгиското трио „Данс Данс“

 

 

18 октомври

– Универзална сала, 20 часот –  пијанистот Метју Шип и славната бразилска пијанистка и пејачка Елиане Елиас, која на скопската публика ќе и го понуди својот препознатлив репертоар кој ги обединува нејзините бразилски корени и заводливиот вокал со импресивните инструментални џез и класични композиторски вештини. 

– Скопје Сити Мол, по полноќ – настапуваат култните британските  „Ред Данпер“  кои ќе го претстават својот најнов проект “Hyena”, албум кој ја носи свежината на актуелниот афро-фан ривајвл.

 

19 октомври

– Кино Фросина, 13 часот – познатото дуо од 90-тите, Нед Ротенберг и вокалистката Саинко Намчила

– Македонска Опера и балет, 20 часот – настапот на трубачот, мулти-инструменталист, композитор и импровизатор Вадада Лио Смит во тандем со њујоршкиот саунд дизајнер Hardedge, а во вториот дел на вечерта е најавен перформансот на австралиско трио „Д Некс“.

Комплет влезници за сите концерти чинат по 2.600 денари, и може да се купат во Југотон, на билетарата на Универзална и преку онлајн сервисот МК Тикетс.

 

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Тамара го изостави името на земјата : Честит празник, татковино моја!

Порталот Република пишува за честитката на поп пејачката Тодевска по повод денешниот празник – денот …