Почетна / Забава / Deeper underground festival наместо во Охрид, ќе се одржи во Скопје

Deeper underground festival наместо во Охрид, ќе се одржи во Скопје

Историски тешки времиња бараат историски напори, па затоа и Авалон се надева дека новата одлука ќе резултира со навистина историски успешен настан во ова неверојатно тешко време.

Од логистички причини: избегнување на гужви, паркинг и можност за 100% спроведување на протоколите, Авалон Продукција заедно со менаџментот и артистите на фестивалот, одлучи Скопје да биде домаќин на првото издание на DEEPER UNDERGROUND FESTIVAL кој ќе се одржи на просторот на А1 арената на отворено.

– Наместо тридневен фестивал, ќе имаме настан што ќе трае два дена од следнава причина. Имено, поради редуцираните авионски линии за Македонија и околината, како и моменталната состојба со Корона вирусот во нивната држава, Италија, не сме во можност да обезбедиме 100 % сигурен транспорт за него и поради тоа, доаѓањето на Meduza во Македонија ќе остане за некоја друга и подобра прилика.

Од друга страна, пионерите на dnb сцената кои за прв пат во Македонија ќе имаат b2b настап RONI SIZE & LTJ BUKEM со Dynamite MC настапуваат на 15-ти август, а нивното доаѓање е сигурно и доаѓаат од Лондон.

Исто така, задоволство ни е да ви најавиме дека и доаѓањето на ARTBAT е 100% сигурно бидејќи тие во Скопје доаѓаат од Миконос, каде што имаат настапи во претходните денови пред 15-ти август.
ARTBAT е едно од најактуелните и најбарани електронски состави моментално на светската музичка сцена, а интересот за нивниот настап во Скопје е навистина огромен, што е дополнителен показател за нивната огромна популарност покрај квалитетот кој го поседуваат.

Потенцираме дека во продажба се само 3.000 влезници по вечер, а согласно протоколите за превенција од Ковид 19, капацитетот на просторот кај А1 Арената за овој настан ќе биде адаптиран на 20% од вкупниот кој е за 15.000 посетители. – известуваат од Авалон продукција.

Цената на дневните билети останува иста- 1.200 денари, а сега блок влезницата за двата фестивалски дена изнесува 1.500 денари и истите може се набават онлајн на avalon.mk, Avalon music & ticket store и преку продажната мрежа на Авалон низ Македонија.
Оние што имаат купено влезници само за MEDUZA и не сакаат да присуствуваат на Deeper underground festival, средствата ќе може да ги рефундираат од оние продажни места од каде што ги имаат купено билетите.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Видео | Бебек ја поканува публиката на концертите во Охрид и Битола

Видео поздрав од легендарниот Жељко Бебек, по повод претстојните концерти кои ќе се одржат овој …

error: Содржината е заштитена!