Почетна / Телевизија / АВМУ: Да не се изнесуваат неосновани обвинувања за медиумите

АВМУ: Да не се изнесуваат неосновани обвинувања за медиумите

Агенцијата за аудио и аудиовизуелни медиумски услуги со соопштение за обвинувањата на една политичка партија кон ТВ 21. Во продолжението, соопштението на АВМУ во целост :

– “До Агенцијата за аудио и аудиовизуелни медиумски услуги се обрати ТВ 21 -М со реакција за обвинувањата од лидерот на политичката партија Алијанса на Албанците дека телевизијата преку емисијата ЕУ Клик користи ЕУ фондови за промоција на кампањата на ДУИ.

Во својата реакција, ТВ 21-М наведува дека емисијата не се користи за предизборни кампањи и дека гостите во емисијата, чиј состав е разнолик, се повикувани во зависност од темите што се обработуваат.

Со мониторинзите што Агенцијата ги прави за начинот на известување на радиодифузерите и застапеноста на политичкиот плурализам не се забележани неправилности во однос на ТВ 21-М. Напротив, последната оценка од посеопфатниот мониторинг на програмата на оваа телевизија наведена во Извештајот од медиумското известување за Предвремени парламентарни избори за период од 17 февруари до 16 март  е дека  при известувањето на ТВ 21 -М „беше почитувано начелото на објективно и непристрасно прикажување на настаните со еднаков третман на различните гледишта и мислења и овозможување на слободно оформување на мислењето на публиката за одделни настани и прашања“. Предмет на мониторинг во наведениот период беа и сите емитувани изданија на ЕУ Клик.

Известувањето на медиумите може да се оценува само врз основа на мониторинг, спроведен според научно утврдена методологија, а не врз личен впечаток или интереси.  Имајќи го  ова предвид, Агенцијата повикува, сите, а особено политичките субјекти да се воздржат од јавно изнесување на паушални оценки затоа што ваквото постапување не само што наштетува на угледот на медиумите туку претставува и притисок врз нив со што сериозно се загрозува слободата на изразување и информирање.”.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Станете дел од играната продукција на Алфа, погледнете што се бара

За потребите на играната продукција, Алфа Телевизија вработува: – Актери – 6 (Мажи и жени …

error: Содржината е заштитена!