Јане Славов и Алерт бенд ја претставуваат акустичната верзија на „Инсомнија“

Јане Славов ја претставува сосема новата акустична верзија на својата песна „Инсомнија“, оригинално напишана од пејачот, водител и композитор Виктор Апостоловски.

Овој пат, песната добива поинаква, потопла енергија — снимена е во живо со целиот Алерт Бенд, а со тоа добива топлина и вистинска музичка искреност.

Аранжманот во новата верзија е дело на гитаристот Томислав Димовски – Димовски Медиа, кој ѝ дава свежа динамика и нов уметнички израз.

Видеото е снимено на интересна и сосема необична локација, која дополнително ја истакнува атмосферата на песната и нејзината емоција.
„Инсомнија“ во ова акустично руво носи нов живот, нова енергија и ново доживување за сите слушатели.

Дани | ТВ Пакет