Почетна / Серии / Девојчиња, подгответе се! На Сител доаѓа цртаната серија „Винкс клуб“

Девојчиња, подгответе се! На Сител доаѓа цртаната серија „Винкс клуб“

 

Нова утринска викенд забава за најмладите

 

Oд овој викенд на Сител телевизија започнува нова цртана серија, надсинхронизирана на македонски јазик.

 

 

Дека Сител е телевизија која емитува програма за сите генерации, покажува и фактот што е единствена што последниве неколку години емитува цртани серии како Моето палечко пони, Миа и јас, Трансформери, Змејеви, Прасенцето Пепа, Маша и Медо итн. Популарното италијанско остварување “Винкс клуб” е уште една во редот на цртани на Сител, која започнува овој викенд и ќе се емитува во утринскиот цртан блок.

 

 

Се работи за серија во 182 епизоди, снимена од 2004 до 2015 година од страна на Rai Fiction, а емитувана во над 130 земји во светот.

Приказната ја прати Блум, вилата на огнот и нејзините пријателки : Стела, вилата на сонцето и месечината, Флора, вила на природата, Техну, вила на технологијата и Мјузу, вилата на музиката. Сите тие вили се наоѓаат во Магичната димензија откако на чуден начин Блум од обична девојка ќе се најде таму и ќе стане вила. Овие другарки себеси ќе се наречат Винкс и заедно ќе бидат во сите авантури и неволји.

 

 

Во текот на приказната, они откриваат нови моќи, се трансформираат и се борат против злите сили и вештерките Ајси, Дарси и Сторми. Другарките постојано ќе даваат поддршка на Блум која има за цел да ги открие скриените тајни на своето минато. Таа ќе ја запознае својата сестра во новата фантастична земја и ќе спознае дека е ќерка на крал и кралица, а не на родителите кои ја пораснале на Земјата. Во втората сезона, на клубот Винкс им се придружува уште една вила, Рокси – вилата на животните.

 

Дани | ТВ Пакет

 

МОЖЕБИ ЌЕ ВЕ ИНТЕРЕСИРА

Викенд репризa на аргентинската серија „Маргиналец“ на МТВ 1

Петок, сабота и недела по 23 часот, МТВ 1 ќе репризира уште еден полициски процедурал. …