Почетна / Забава / Видео | Научи да сакаш е новата песна на Мики Секуловски

Видео | Научи да сакаш е новата песна на Мики Секуловски

 

Мики Секуловски денеска на Youtube каналот на Sky Eye Entertainment ја промовира својата седма официјална нумера „Научи да сакаш“. Видеото е во форма на пишан текст, која треба да биде хит оваа зима.

„Искрено, песната ја чувавме во фиока повеќе од 8 месеци, така што со продукцијата решивме дека декември е вистински месец да ја издадеме на музичкиот пазар. Токму оваа песна ми е особено драга и ја чувствувам многу лично затоа што сум ко-автор на музиката и текстот. Сигурен сум дека синглот ќе и се допадне на публиката“, изјави Мики Секуловски.

 

 

Музиката и аранжманот за песната се на Зоран Алексиќ, додека текстот го напишаа заеднички со Мики Секуловски, a во продукција на Скај Ај Ентертејмент.

„Оваа песна е една од оние коишто всушност се разликуваат од останатата македонска музичка продукција. Со тоа што во нумерата е искористен семпл од Aretha Franklin и нејзината “I Never loved a man”, песната добива блуз нота, но сепак го задржав модерниот ритам и звук“, додава Зоран Алексиќ.“

Последниот сингл на Мики „Друга не допира“ беше промовиран во септември со видео запис. Секуловски во моментов е ангажиран на неговиот албум и со своите настапи во клубовите низ државата.

 

 

МОЖЕБИ ЌЕ ВЕ ИНТЕРЕСИРА

Луксузниот бренд ,,Елена Лука” го носи својот гламур во Њујорк!

Десетгодишниот јубилеј означува една нова ера за етаблираниот моден бренд Елена Лука и македонската мода …