Почетна / Забава / Евровизија / Боите на Eстонија во мај ќе ги брани младиот и надежен пејач

Боите на Eстонија во мај ќе ги брани младиот и надежен пејач

 

Вака ќе звучи Естонија на Евровизија во мај

 

Естонија настапува на Евровизија уште во 1994 година и својата прва победа ја остварува на својот седми настап, во Копенхаген во 2001 со песната Everybody, за која многумина велат дека е една од најлошите песни победнички досега. Интересно е што земјата имала доста подобри песни од победничката, а не успела да освоитаков успех пред тоа па и после тоа.

 

 

Но, последните години поради концептот на Eesti Laul, национален избор кој секоја година добива се повеќе популарност тие се препознатливи и по навистина квалитетно одбраните песни. За во Стокхолм, своето учество го потврдија уште на 26 мај минатата година. Осмото издание на Eesti Laul се оддржа 13, 20 февруари и финале на 6 март. Од 20 песни само 10 се пласираа во финале, каде што убедливата победа со 3,898 гласови од публиката и најмногу гласови од жирито ја однесе фаворитот Jüri Pootsmann.

 

Jüri Pootsmann има 21 година и е нова ѕвезда на естонската музичка сцена. Препознатлив е по својата алтернативен стил на музика, соул глас и е еден од подобрите нови музичари во својата земја. Покажува константен диверзитет во своите композиции и настојува да влијае врз младите луѓе и музиката која ја слушаат. Има неколку синглови издадени во 2015 година кои беа дел од естонските топ листи, а годинава планира да го издаде и својот деби албум.

 

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Видео | Тамара успеа да се пласира во финале, Македонија горда!

Вечерва, македонската претставничка Тамара Тодевска нè направи горди со својот настап на најголемиот европски избор …