Почетна / Забава / Зарина Првасевда со концертна промоција на својот прв албум „Ехо“

Зарина Првасевда со концертна промоција на својот прв албум „Ехо“

На 15ти Април со почеток во 20ч., во Македонската Филхармонија , ќе се случи долго очекуваниот и најавуван настан на Зарина Првасевда каде таа ќе одржи свој солистички концерт-промоција на нејзиниот прв  официјален студиски албум, насловен како “ЕХО” кој во деновите што следат ќе излезе под етикетата на Croatia Records, која важи за најголема и најпродуктивна издавачка куќа на Балканот од ваков тип.
Истиот е склоп од 11 традиционални песни од Балканот, спакувани во нови и уникатни аранжмани, а отпеан на 5 јазика и тоа : Македонски, Албански, Турски, Српски и Бугарски.


Зарина ќе биде придружувана од нејзиниот ансамбл во состав : Филип Димишковски, Ратко Даутовски , Дејан Цветковски , Драган Теодосиев, Благојче Трајковски , Тони Арслан, Пенче Кралев, Филип Михајловски, Дејвид Демир .
Како специјални гости на концертот ќе настапат Васил Хаџиманов, Александар Петров и Перија, како и други нејзини пријатели и колеги.


“Овој концерт претствавува своевидно заокружување на првиот циклус – нашето виртуелно дружење изминативе две – три години по социјалните медиуми , со што отпочнуваме ера на заедничко физичко споделување на енергија, љубов и музика кое на крајот на денот го заслуживме и јас и мојата публика и сите мои следбеници. Овој настан го чекам и замислувам откако знам за себеси, што говори за тоа дека е од вистински голема емотивна важност за мене и можам да кажам дека оние кои ќе бидат присутни таму, ќе посведочат на најубавиот ден во мојот живот како и остварувањето на сонот на едно мало девојче што никогаш не престана да сонува, дури и кога се чинеше речиси невозможно. Со голема радост и срце полно љубов и музика, ве очекувам на 15 Април! ” , вели Зарина.
Продажбата на билетите ќе започне од 04.04.2022  и истите ќе можете да ги набавите онлајн на овој линк : Зарина Првасевда & ансамблот – „Ехо” – karti.com.mk, како и во сите продажни места на karti.com.mk по цена од 500 денари или по цена од 600 денари на денот на концертот на врата во Македонската Филхармонија.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Ден по концертот на Deep Purple, следува концерт на Масимо Савиќ

Со голема надеж дека лошите денови се зад нас, задоволство на Авалон е да го …

error: Содржината е заштитена!