Почетна / Серии / Теленовели / Арапската синхронизирана серија „Чело“ во 22:15 часот на Алфа

Арапската синхронизирана серија „Чело“ во 22:15 часот на Алфа

Љубов и солзи во новата играна серија на Алфа

“Чело” е првата либанска серија која ќе се емитува во Македонија на Алфа телевизија започнувајќи од среда (24 октомври) во 22.15 часот. Се работи за серија, снимена во 30 продолженија која е адаптација на познатиот американски филм од 1993 година – “Indecent proposal” со Деми Мур и Роберт Редфорд.

Од вечерва, запознајте се со Јасмин – убава и млада жена, мажена за пијанистот Адам. Нејзината најголема љубов е челото, инструментот чии звуци ја разнежнуваат нејзината душа и ги поттикнуваат нејзините соништа. Таа и сопругот се наоѓаат во финансиска криза и решаваат да подигнат кредит од банката од 500.000 долари, како би го оствариле нивниот животен сон – да создадат музичка империја. Но, нивниот розов сон се претвора во ужасен кошмар. Една ноќ, откако ќе ги потрошат парите за проектот, целата империја се руши. Јасмин несакајќи го заборавила кафето да се вари, и пламените јазици го уништуваат сето тоа што го изградија, го срушија во еден миг сето она за кое сонуваа и се бореа.

Во една таква ситуација, младиот брачен пар се среќава со билионерот Тејмор, мистериозен човек, заинтересиран за пропаднати проекти кој станува опседнат со Адам и Јасмин. Тој им нуди непристоен предлог на сопружниците – милион долари со кои ќе ги извлече од бедата во замена за 24 часа поминати со Јасмин. По преговорите, Адам и Јасмин се согласуваат на таа понуда, иако и на двајцата ѝм е тешко да го прифатат тоа. Адам во болка и солзи ја испраќа Јасмин на јахтата со Тејмор, а таа е сигурна во љубовта кон сопругот и му ветува дека нема ништо да стори погрешно со Тејмор.

Хит серијата „Чело“ од вечерва секој работен ден од 22:15 ексклузивно на Тв Алфа

Има ли поголема движечка сила, од силата на љубовта? Дали љубовта има цена? Со што сe плаќаат некои животни одлуки? Ова е приказна за Адам и Јасмн, кои се лудо вљубени еден во друг. …планираат заеднички живот…музички проект…планираат иднина…Но животот има други планови за нив. Ќе успеат ли да се изборат за љубовта…среќата…за себе?Не пропуштајте ја хит серијата „Чело“. Од денеска ексклузивно на телевизија Алфа во 22:15 часот.

Gepostet von Alfa Televizija am Mittwoch, 24. Oktober 2018

 

Но, после тој ден и после таа ноќ, почнуваат да се менуваат работите. Ништо повеќе не е исто. Неговиот однос кон неа, часовите минати заедно, магијата која ѝ ја приреди милионерот ќе побудат нови чувства кај младата девојка. Ќе се жртвува ли Јасмин во име на идната среќа која ја очекува или новите чувства ќе направат нови нишки на нејзината судбина?

Дани | ТВ Пакет

МОЖЕБИ ЌЕ ВЕ ИНТЕРЕСИРА

Видео | Како изгледа „Ла Усурпадора“ од денешен аспект

Вака изгледаше всушност “Злобница” – погледнете и насмејте се Сигурно многумина се сеќаваат на мексиканските …