Почетна / Филм / Празничен викенд на Алфа со „Втора шанса“ и „Среќна нова 49-та“

Празничен викенд на Алфа со „Втора шанса“ и „Среќна нова 49-та“

Алфа продолжува со емитување на македонски современи и постари филмови. За празничниот првомајски викенд следуваат следниве наслови:

сабота (2 мај 2020), 20.10 часот – “Втора шанса”

Втора шанса“ е драма која се случува за време на воениот конфликт во Македонија и притоа се испреплетуваат три приказни на три жени кои живеат во истиот станбен комплекс, создавајќи калеидоскопско набљудување на уникатното искуство како да се биде мајка и самопожртвуваност вклучена во носењето живот во овој свет.

Секоја од овие жени се обидува да го најде значењето на нејзиното постоење за време на апсурдното и бесмислено време на границата на граѓанска војна во Македонија.

Секој од нив се соочува со свои демони додека се обидува да ја зачува својата хуманост.

Прв долгометражен филм на Марија Џиџова, психолошка драма на три жени соочени секоја со лична борба да го најде излезот, а амбиентот во кој се сместени приказните е конфликтот во 2001 година.

недела (3 мај 2020), 20.10 часот – “Среќна нова 49-та”

“Среќна нова ’49” е македонски филм од 1986 година, режиран од Столе Попов со Петар Арсовски, Мите Грозданов, Александар Ѓорчев, Мето Јовановски, Светозар Цветковиќ, Владица Милосављевиќ и Душко Костовски во главните улоги. Тој се смета за едно од најуспешните македонски филмски остварувања и е единствениот македонски филм, покрај „Црно семе“ на Кирил Ценевски, што е избран да биде Југословенски кандидат за Оскар.

Филмот е добитник е на низа награди и признанија, како: „Големата златна арена за најдобар филм“ на Фестивалот на југословенскиот игран филм во Пула (1986), како и Првата награда од публиката на Меѓународниот филмски фестивал во Порто Алегре (1991).

Основната тема во филмот е донесувањето на Резолуцијата на Информбирото и нејзиното неприфаќање во македонската општествена средина. Oва е приказна за двајца браќa: постариот, Драгослав Ковачевски (го игра Мето Јовановски) кој како студент се враќа од Советскиот Сојуз за веднаш потоа да биде лажно обвинет и затворен, и неговиот помал брат Коста (го игра Светозар Цветковиќ) кој го согледува неморалот на властите во СФРЈ и сака да живее свој живот, независен од сите други околу него.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Инфо | Месец на „Киненова“ на ТВ 24 – цел месец филмови без реклами

„Прво филм“ е мотото на меѓународниот филмски фестивал Киненова кој годинава официјално ќе се одржува …

Leave a Reply

error: Содржината е заштитена!