Почетна / Серии / „Кум“, руската серија емитувана на Алфа со реприза на локалните
Премиера на МТМ секоја недела во 20.25 часот, а репризите се во понеделник во 20.30 часот, вторник во 23.15 часот, среда во 20.30 часот и петок во 20.30 часот

„Кум“, руската серија емитувана на Алфа со реприза на локалните

Скоро една година по премиерата на националната Алфа, руската мини серија „Кум“ ќе се прикажува и на МТМ и локалните телевизии (Тера, Кобра, ТВМ, Кис, Боем итн). Наместо премиерни серии, локалните се одлучија за репризи на веќе емитувани руски серии на другите телевизии.

Ова е прва македонско-руска филмска соработка од 2014-та година. Руската филмска екипа беше одушевена од прекрасните локации во Битола, Демир Хисар, Прилеп, Отешево, како и веќе докажаните убавини на филмското Мариово.

Проектот беше целосно финансиран од руските продуценти, но реализацијата во Македонија ќе беше невозможна без поддршката од македонските министерства за култура, за одбрана и за внатрешни работи и од градоначалниците на општините Битола, Прилеп, Демир Хисар, Ресен и Новаци.

Серијата се снимаше пет недели со руско-македонска екипа и се емитуваше на првиот канал на националната телевизија во Руската Федерација. Базирана е на вистинска животна приказна на еден руски доктор и неговата хумана мисија во Косово за време на конфликтот.

Главната улога ја толкува рускиот актер и режисер Сергеј Пускепалис, а се појавуваат и други познати актери, како Андреј Смољаков (актуелен по светскиот хит „Падот на Сталинград“), литванската актерка Северија Јанаушаускаите, Андрис Пауљевичус, канадскиот актер Тимоти Сел…

Во македонската актерска екипа се Ирена Ристиќ, Звездана Ангеловска, Мето Јовановски, Дејан Лилиќ, Џевдет Јашари, Тони Михајловски, Сашко Коцев, Висар Вишка, како и младите Наталија Теодосиева, Влатко Илиевски, Мартина Тапарчевска, Стефан Вујисиќ, Емра Куртишова. Во многубројните масовни сцени учествуваа и граѓани на Битола.

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Четири познати американски серии започнуваат на ТВ 24 и Телма

Оваа сезона, Телма телевизија и Телевизија 24 продолжуваат со емитување на популарни и висококвалитетни американски …

error: Содржината е заштитена!