Почетна / Сапуници / Канал 5 стартува со „Ранети птици“, нова серија за една детска судбина

Канал 5 стартува со „Ранети птици“, нова серија за една детска судбина

Нова вечерна трогателна сапуница на Канал 5 телевизија. “Ранети птици” е турска продукција, снимена минатата година, во која се следи животот на едно детенце, кое е приморано да работи од мали нозе како би го издржувал неговиот злобен татко.

Пред неколку години, богатата фамилија Метеаноглу доживеала вистинска семејна трагедија. Левент останал без сопругата и неговото синче Ефе, кое како малечко било киднапирано и дадено на еден сиромашен измамник. Човекот кој го зел бебето се вика Дурмуш, злобен и прост сиромашен човек, кој цел живот се занимавал со улични кражби и криминал.

Токму тој, Дурмуш, сакал да го продаде бебето, но за среќа, завршил во затвор, и бебето останало во рацете на неговата ќерка Мерием. Мерием е таа која со чисто срце и љубов се грижела за малото детенце на кое му го дала името Омер.

Откако излегува Дурмуш од затвор, девојката мора да работи и дополнителна работа за да ги издржува братчето и нејзиниот татко, кој постојано ѝ ги зема заработените пари. Времето додека не е дома, го искористува нејзиниот лош татко, така што го носи малиот Омер да проси по улиците и на тој начин да му донесе многу пари.

Судбината на Мерием и нејзиното братче Омер се менуваат кога ќе го запознаат богатиот Левент Метеаноглу.

Бизнисменот не знае дека Омер е неговото исчезнато дете, а ниту Мерием не претпоставува дека постепено се вљубува во биолошкиот татко на Омер. Мерием и малиот Омер ќе успеат да избегаат од злобните и кобни планови на Дурмуш, а помош и засолниште добиваат од страна на Левент.

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Гледачите на „Женски рај“ зачудени – ТВ 24 и по втор пат ја укина серијата

ТВ 24 од денес нема да ја емитува италијанската сапунска драма “Женски рај” во 21 …

Leave a Reply

error: Содржината е заштитена!