Даниел Кајмакоски во „Сè или нешто“

 

 

Во денешното велигденско издание на гејм шоуто “Сè или нешто” на Сител телевизија, гостин ќе биде победникот на Икс фактор, Даниел Кајмакоски. Целта на емисијата ќе биде хуманитарна, и сите пари кои ќе ги освои Кајмакоски, продукцијата на квизот ќе ги донира во хуманитарни цели, како што се вели во најавата. 

 

 

Во емисијата Даниел ќе зборува и на германски, а заедно со натпреварувачите ќе ја испее велигденската песна “На Велигден се заљубив”.

 

 

Откако Даниел беше пречекан на аеродромот во Скопје и во родното Мислешево, тој се врати во Белград каде започна со снимање на својот деби албум, кој се очекува да излезе во јуни. На албумот ќе има песни од балкански и странски автори.

 

 

 

 

Дани Петковска | ТВ Пакет