Почетна / Сапуници / „Љубов до смрт“, нова мексиканска теленовела во Македонија

„Љубов до смрт“, нова мексиканска теленовела во Македонија

Регионалната телевизиска мрежа Нова од сега и во Македонија со емитување на кабловската верзија Нова С. Телевизијата има откупено македонски права на одредени содржини, па така прва од содржините кои ќе ја видат македонските гледачи со македонски титл е најновата мексиканска теленовела “Љубов до смрт”.

Секое попладне во 14 часот, ќе ја следите интригантната приказна која од епизода во епизода нѐ води од љубов и страст, преку омраза, одмазда и љубомора, па сѐ до конечна смрт, како и до нов живот по таа смрт. Приказната започнува со смртта на тројца потполни странци чии души ќе добијат шанса за друг живот.

Бизнисмен, платен убиец и антрополог го губат својот живот во ист момент, по што нивните души ги менуваат телата и добиваат нова задача – да го прифатат фактот дека и понатаму се живи, но осудени на туѓи животи. Антропологот ја добива душата на платениот убиец Џино кој умрел со електро шокови, а пак во телото на платениот убиец влегува душата на тајкунот Леон.

И сега, Џино живее два живота. Неговото тело мора да бега од оние кои го гонат, а пак неговата душа сака да се врати кај неговото богато семејство, кои во меѓувреме приредуваат погреб за умрениот бизнисмен. Џино, односно Леон, сфаќа дека неговата сопруга Лусија го изневерува со неговиот близок соработник, а коцките почнуваат да се склопуваат и кога ќе сфати кој стои зад убиството. Љубов и дилеми – срцето на Леон е сега затегнато меѓу љубовта кон сопругата и желбата да се одмазди за тоа што му беше направено.

Лусија ќе се вљуби во Џино, не знаејќи дека во неговото тело живее нејзиниот сопруг Леон. Патот до среќата нема да биде лесен ни за Лусија. Мислата дека нејзиниот Леон е жив, емоциите кои носат нова љубов и семејството на сопругот кое сака да ја уништи и спречи во превземање на наследството е она со кое мора да се соочи младата девојка и да се избори со сите препреки.

Во главните улоги настапуваат Анжелик Бојер (Тереза, Украдена љубов, Амбис на љубовта) и Мишел Браун (Скриени страсти, Фамилијата Реј, Научи ме да сакам).

Дани | ТВ Пакет

МОЖЕБИ ЌЕ ВЕ ИНТЕРЕСИРА

Подгответе се – старува хит серијата „Украдено минато“ на Сител

Тахсин е главата на богатата фамилија Корлудаг, која со својот авторитет и моќ, има големо …

error: Содржината е заштитена!