Почетна / Серии / Инфо | Познатиот руски ситком „Кујна“ во 17:45 часот на ТВ 24

Инфо | Познатиот руски ситком „Кујна“ во 17:45 часот на ТВ 24

 

Популарната руска серија стартуваше на ТВ 24

 

Од понеделник до петок во 17.45 часот на ТВ 24 се емитува руската хумористична серија “Кујна”, снимена во 120 продолженија од 2012 до 2016 година. Дејството на серијата се одвива во Москва, во еден руски ресторан кој ја негува француската кујна. Низ многу драматични и комични ситуации поминуваат сите готвачи и цел персонал кој работи во тој ресторан.

 

 

Во ресторанот “Клод Моне” ќе се запознаеме со новиот готвач Макс, менаџерката Вика, шефот на кујната Витје, барменот Костја, келнерката Настја, како и со останатите чистачки, готвачи, подготвувачи на риба, десерти итн.

 Серијата се смета за најскапо снимен ситком во руската кинематографија, кој веќе се емитуваше во Србија, Хрватска, Бугарија и останатите земји во регионот.

 

 

Хуморот на оваа серија е малку поразличен од американските ситкоми и со самото тоа освежувачки, но и храбар. Само за илустрација, во првата епизода, протагонистот Макс се обложува со главниот готвач дека ќе зготви нешто толку вкусно што цел ресторан ќе сака да порача од тоа. Ако не успее, ќе замине од ресторанот сосема гол!

 

 

Ова е серија која ветува добра забава што произлегува од непредвидливите комични ситуации. Секако, каде има добра храна таму има и многу љубов. 17.45 часот, репризно во 22.30 часот, телевизија 24.

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

BBC драмата „Killing Eve” секоја вечер на Fox во 22.55 часот

Криминалистичкa трилер серија во која двата главни лика, Ив (Сандра О) и Виланел (Џоди Комер), …

Leave a Reply

error: Содржината е заштитена!