Почетна / Забава / Винска Едукативна Работилница – Што е добро вино?

Винска Едукативна Работилница – Што е добро вино?

 

Енолог од Винарија Стоби ги едуцираше новинарите за тајните и вистините за виното. На едукативната дегустација во присуство на новинари и гости, беа отворени сите тајни на вистинскиот и загадочниот вкус на виното, од каде доаѓаат аромите, како се комбинираат со храна, кои ароми треба да се препознаваат преку мирисните дразби, а кои карактеристики да се бараат преку рецепторите за вкус. Исто така, беа потенцирани и здравствените придобивки од одговорната консумација на виното. Енологот Крстевски откри дел од тајните, зошто вината на Стоби се наградувани на светските вински манифестации и саеми и се едни од најбараните на странските пазари. Оваа активност е дел од седмицата посветена на Винарија Стоби што оваа недела се одржува во Бар Форца.

 

 

„Виното има свој живот и своја приказна, а ни една животна приказна не е без некоја тајна. Животот на виното започнува уште со сеидбата на лозата, а тајната се открива во устата, моментот пред да го голтнете. Тоа има тенденција да ви ја открие својата тајна само потребно е вашите сетила да бидат отворени и да се поседува малку знаење од процесот на одгледување на виновата лоза и техниката на правење на вино. Затоа, за уживање во секоја голтка вино, убаво е кога би знаеле малку повеќе факти и знаење за создавањето, чувањето и правилното консумирањето на овој благороден пијалак“, изјави Андон Крстевски, енолог и експерт за контрола на квалитет во винарија Стоби.

 

 

Винската едукација е дел од седмицата посветена на Винарија Стоби каде во текот на следните неколку денови ќе бидат претставени вината на Стоби преку тематска забава – Вино и сирење, во петок ќе има уште една работилница со енологот Андон Крстевски и After work Party. Следи Стоби викенд привилегии и Movember забава во недела.

 

 

МОЖЕБИ ЌЕ ВЕ ИНТЕРЕСИРА

Модниот бренд „Елена Лука” на страниците на британскиот Vogue

Етаблираниот македонски бренд Елена Лука се најде на страниците на ноемвриското издание на престижниот магазин, …