Почетна / Сапуници / Запознајте се со „Кумови“, нова хрватска серија на Алфа во 21.30 часот

Запознајте се со „Кумови“, нова хрватска серија на Алфа во 21.30 часот

Патот кој води до една оддалечена област го дели градот Заглава на два спротивставени табори. На едната страна се новопечените богаташи и гастарбајтери Мацан, а на другата страна се староседелците Акрап, додека на средина се Готовац, криминална фамилија кои од големиот град се преселуваат во ова место.

Трите семејства се поврзани со кумство и интерес, кои започнуваат битка за пари и превласт во местото. Борејќи се за своите соништа, а некои дури и за гола егзистенција, ќе го ризикуваат највредното нешто што го имаат – кумството. Кога кумовите ќе дознаат дека и тие се браќа, нивното непријателство уште повеќе се разгорува, па почнува борбата за наследството на нивниот татко.

Глава на фамилијата Мацан е господинот Стипан, сопственик на голем имот и татко на Аљоша и Винко. Во неговата куќа живее неговата стара сестра и десна рака Ивка, неговиот син Винко со сопругата Јадранка и ќерките Пере и Матија.

Фамилијата Готовац, пак, ја сочинуваат таткото Аљоша, пропаднат економист и воедно вонбрачен син на Стипан, неговата сопруга Весна и децата Јанко и дизајнерката Лара.

Началникот Звоне Акрап е пак женет со Анџелина со која ги има преубавата ќерка Луце, инаку докторка и синот Мартин, локален фраер и диџеј.

Неочекуваната љубов која ќе се роди меѓу Луце и Јанко ќе навести низа проблеми меѓу фамилиите, но воедно и ќе биде најголема можност за евентуално примирје на кумовите.

Следете ја најновата хрватска серија “Кумови”, од понеделник до петок на Алфа во 21.30 часот.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Освен „Грешници“, и „Крваво цвеќе“ обновена за уште една сезона

Маратонската турска сапуница “Крваво цвеќе” доби зелено светло за нова трета сезона. Откако веќе беше …

error: Содржината е заштитена!