ТВ Пакет Единствен телевизиски информативен портал во Македонија
Нова турска надсинхронизирана серија започна на Алфа телевизија во новата програмска шема на телевизијата. Од понеделник до петок со почеток во 21.20 часот ја следите класичната турска драма за Ајаз и неговата “Голема одмазда”.
Како започна приказната, потсетете се оваа сабота и недела од 22.50 часот. Репризите на првите пет епизоди ќе ви го претстават наивниот Ајаз и неговото сиромашно семејство. Неговиот живот се менува кога неговата сакана ќе биде убиена од злобниот Килиџ.
Во селото каде владее законот на посилните и војската, за Ајаз ќе нема друг излез освен да биде нем сведок на сето тоа што се случува пред неговите очи.
Неговата мила Зухре е убиена, а тој е разделен од својот брат и сестричка. Ќе може ли да прости за тоа што му го нанесоа? Ќе може ли повторно да сака, години подоцна или неговото срце овојпат е обвиено од желба за голема одмазда кон тие што му го уништија животот?
Проследете ги повторно првите епизоди и вклучете се во тажната приказна за “Големата одмазда”.
Дани | ТВ Пакет
