Видео | „Код“ во недела – за лекарските грешки и благите судски одлуки

Лекарска грешка – многу познат збор, но ретко кој завршува на суд за такво дело. Кривичниот закон лекарските грешки ги знае под друго име. А во судница – за да се најде вината за нечија смрт, најдобро оружје е обдукција. Но вистината некогаш останува скриена кога пред законски задолжителна обдукција, со оружје или со стапови и мотики, некои семејства ги крадат телата на најблиските од болница.

Почината родилка, а бебето и е повредено. Сепса со рутинска операција. Исечена рака на дете поради инфекција под гипс. Процеси за лекарски грешки има, пресудите се благи, а ретко кога се оди во затвор за непотребна смрт во болничка соба. Уште една интригантна истрага на “Код” оваа недела (17 март) на Телма, веднаш по централните вести.

Дани | ТВ Пакет