Словенија ќе емитува филмови за Палестина наместо Евровизија 2026

Рдиотелевизија Словенија нема да го емитува овогодинешниот Евросонг, а во времето на полуфиналето и финалето, ќе им понуди на гледачите посебна тематска програма „Гласовите на Палестина“, која ќе се емитува од 10 до 20 мај.

Преку филмови, документарци, ток-шоуа и анализи, програмата ќе фрли светлина врз личните приказни на луѓето, но и врз поширокиот контекст на актуелните настани на Блискиот Исток.

Словенија донесе одлука да не учествува на Евровизија уште во септември 2025 година, а одлуката на ЕБУ наиде на незадоволство и во други земји. Најмалку четири други земји (јавни радиодифузни сервиси) одлучија да не учествуваат во натпреварот, имено Шпанија, Ирска, Холандија и Исланд.

Гореспоменатите земји го наведоа учеството на Израел и ситуацијата во Газа како причина поради нивното неучество на европскиот музички натпревар.

Дани | ТВ Пакет