Почетна / Телевизија / Од вечерва започнува изборниот молк – медиумите да го почитуваат

Од вечерва започнува изборниот молк – медиумите да го почитуваат

Агенцијата за аудио и аудиовизуелни медиумски услуги ги известува радиодифузерите дека од полноќ (од 13 јули), заклучно со 21:00 часот на 15 јули, важат правилата за изборен молк за време на Предвремените парламентарни избори 2020 година.

За време на молкот, медиумите продолжуваат да известуваат за изборниот процес, но престануват сите облици на изборно медиумско претставување, на учесниците во изборната кампања.

Според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Спорт, забава, мода, технологија, вести и здравје во Телма подкаст

Следејќи ги светските трендови, Телма телевизија продолжува да изненадува. Наскоро дигитален простор за возбудлива комбинација …

error: Содржината е заштитена!