Почетна / Сапуници / Нова турска серија „Црвената марама“ на новиот канал TDC

Нова турска серија „Црвената марама“ на новиот канал TDC

На кабловскиот оператор А1 започна со емитување нов канал, кој ќе емитува исклучиво турски серии. Покрај Карадај, Снеговите на љубовта и Пари и љубов, кои се емитуваа во Македонија, следуваат и премиерни серии за телевизиските гледачи.

“Црвена марама” ќе се емитува од понеделник до петок во 16 часот, со репризни изданија во 20.10, 00.15, 04.10, 07.25 и 11.35 часот. Во продолжение запознајте се со содржината :

Асија е млада и тврдоглава девојка, која живее во едно село, заедно со своите родители. Таа е бунтовна и се противи на традицијата која ја налагаат нејзините родители. Еден ден, сосема случајно го запознава исто така сиромашниот Илјаз и двајцата се вљубуваат еден во друг, и покрај противењето на нивните семејства. За Асија, љубовта е сон кој треба да се круниса со брак, а пак за Илјаз, на прво место се мото трките во кои активно учествува постојано.

Илјаз не верува дека минатото може да се повтори и затоа силно верува дека ќе го достигне успехот на брата си, кој починал при една мото трка. Но, и покрај љубовта и бракот со Асија, тој не се менува. Неговата амбиција е посилна од сè друго, па дури и од фактот дека Асија очекува негово бебе. Затоа, двајцата се разделуваат. Илјаз тргнува по патот на славата и богатството, а Асија го запознава Џемзит, кој ѝ ја пружа потребната љубов и грижа која не ја доби од Илјаз.

За Џемзит, убавата Асија и нејзиното дете се олицетворение на неговите жена и син, кои ги изгубил при еден земјотрес и чија загуба постојано ја надополнува неговата болка. И кога сѐ се чини идилично за Асија и Џезмит, во нејзиниот живот се враќа Илјаз. Овојпат богат и успешен маж, кој е решен да ја врати љубовта на девојката со црвена марама.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Ѕвездите на „Аси“ и „Ѓумуш“ во нова играна продукција на Сител

Нова играна серија на телевизија Сител. Ѕвездите на Аси и Ѓумуш се враќаат на малите …