Почетна / Забава / Трип хоп бендот „Hooverphonic“ на 29-ти март во Филхармонија

Трип хоп бендот „Hooverphonic“ на 29-ти март во Филхармонија

Ако во животот постојат концерти што се прават од љубов, тогаш тоа е следниот концертен проект за оваа година кој со задоволство го најавува продукција Авалон.
Станува збор за концертот на извонредниот трип хоп бенд HOOVERPHONIC кој ќе се одржи во Скопје, во рамки на својата балканска турнеја, која е исто така ќе биде во организација на Авалон Продукција, и тоа во Загреб, Белград и во Софија.

Скопскиот концерт е закажан за 29-ти март во салата на Македонската филхармонија, која е најадекватна за музиката на овој бенд.
HOOVERPHONIC e белгиски бенд основан во 1995 година кој има позади себе осум студиски албуми, како и неколку компилациски изданија. Кон средината на ноември минатата година, бендот го објави албумот „Looking for stars“ кој содржи единаесет нумери на кои бендот експериментира со повеќе музички жанрови, но сепак останува верен на трип хопот чија основа преовладува во целиот носач на звук, а исто така наиде и на одлични критики кај музичките рецензенти.
Публиката во Скопје ќе има ексклузивна можност за прв пат во живо да ги чуе некои од најголемите хитови кои ја одбележаа кариерата на еден од најголемите трип-хоп бендови на сите времиња како што се легендарната „Mad about you“, „2 Wicky“, „Eden“, „Winegar and salt“ и уште многу други.

HOOVERPHONIC

ДОБРА ВЕСТ: ВТОР КОНЦЕРТ НА HOOVERPHONIC ВО СКОПЈЕ!Исклучиво на Ваше барање, после неверојатно брзо распродадениот концерт на Hooverphonic во Скопје, Авалон Продукција ја пренасочи балканската рута, па наместо концерт во Софија на 30-ти март, бендот ќе одржи втор концерт во Скопје на истиот датум, во салата на Македонската филхармонија!Влезниците ќе бидат пуштени во продажба утре во 09 часот наутро, преку продажната мрежа на Авалон низ Македонија и онлајн на avalon.mk.Најискрено Ве замолуваме да ги набавите Вашите влезници веднаш, затоа што интересот кој владее во државата и регионот за овој бенд е реално поголем од капацитетите на салите коишто ги работиме. Во продолжение, погледнете го извонредниот тизер за европската турнеја- HOOVERPHONIC live 2019!Авалон Продукција

Gepostet von Avalon Produkcija am Donnerstag, 17. Januar 2019

И двата концерти се распродадени за рекордно брзо време, а оние што не успеаја да набават билети за скопските концерти, доколку се во можност, сепак ќе имаат прилика да ги гледаат Hooverphonic во Белград и во Загреб, исто така во организација на Авалон продукција.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Видео | Данскиот EDM DJ Martin Jensen на Ohrid Calling 2019 !

Со повеќе од 100 Милиони прегледи на Youtube и неговата специјалност да продуцира само хитови, …