Видео | „Последната експедиција” повикува на „Охридско море”

Новиот сингл на „Last Expedition” – „Одиме на Охридско море” е веќе во радискиот етер. Станува збор за четврти сингл на „Експедицијата”, кој го најавува нивниот четврти студиски албум, до крајот на 2020-та.

– „Сакале – нејќеле ние полека дојдовме до пола албум. Сингловите ‘Hey Ho’, ‘Срце со себе’ и новата верзија на ‘Шефе’, снимена со пријателите & фановите го отворија патот за ‘Одиме на Охридско море’.Постојат песни кои се осмислени и треба да се снимат, па, реално е да се очекува нов албум на ‘Last Expedition’ до крајот на 2020-та година. Ова ќе биде првата наша студиска објава по цели 23 години, кога во 1997-ма беше објавен сега веќе култниот ‘Box’ – вели Енко, прв човек на „Експедицијата”.

За „Одиме на Охридско море” е реализирано lyrics видео.

• Би било добро кога вредноста и важноста на песната, која е веќе хит во домашниот музички етер, би ја препознале и институциите и/ или спонзорите, и овој меинстрим бисер би ја добил заслужената визуелизација – велат од тимот на Last Expedition.

Дани | ТВ Пакет