Почетна / Филм / Ве потсетуваме на култниот гангстерски филм „Scarface“ со Ал Пачино

Ве потсетуваме на култниот гангстерски филм „Scarface“ со Ал Пачино

 

Рецензија на “Лице со лузна” од 1983 година со Ал Пачино

 

Во соработка со нашиот колумнист Александар Арсовски и блогот Филмска анализа ве враќаме во времето и ви доловуваме гледиште на култниот “Scarface”. Сигурно се сеќавате на единствениот Тони Монтана?

 

 

После отварањето на пристаништето Мариел на Куба стотиона илјади кубански мигранти кои претставуваат проблем за владата на Куба добиваат прилика да дојдат до територијата на САД.  Меѓу нив е и Тони Монтана (Al Pacino) амбициозен млад дечко кој сака да направи големо богатство. Сепак како и големиот број на емигранти така и Тони ќе мора да почне од самото дно и започнува да работи како мијач на садови.  Подоцна заедно со неговиот пријател Мани (Steven Bauer) доаѓа до една ситуација од каде што се впушта во криминалски зделки па така првиот тест го поминува успешно и се вработува кај големиот нарко бос Франк Лопез (Robert Loggia).  Неговиот живот претставува тоа што Тони секогаш посакувал да го има, почнувајќи од влијанието и моќта, па потоа следуваат парите и преубавата сопруга, па така полека но сигурно Тони започнува да го зазема неговото место.

 


 

„Scarface“ е еден од филмовите кои не ја стекнал својата слава за време на прикажувањето туку низ годинините подоцна и така успеа да си изгради свој култен статус. Па така на голем број на листи може да се најде во категоријата топ пет најдобри гангстерски филмови,  а исто така остана и препознатлив и по клучната реплика на Тони: „Say Hello to My Little Friend“. 

Сценарист на филмот е добро познатиот Оливер Стоун (Oliver Stone) кој е добитник на три Оскари. Одредени критичари го поставуваат прашањето која била неговата намера додека го пишувал сценариото бидејќи Тони Монтана е претставен негативно и мрачно, а тоа баш и не е карактеристично за главните ликови.  Од една страна го имаме како грижлив за своето семејство, полн со оптимизам и амбиции, а според тоа и некои луѓе го сметаат како вид на пример или идол, додека од друга страна го имаме како аутодеструктивен лик кој убива луѓе со моторна пила.

 


 

Некои критичари сметаат дека Стоун додека го пишувал сценариото често бил во контакт со полицијата па така одредени случаи ги има внесено во самото сценарио, како што е убиството со моторната пила. Поединци пак сметаат дека Тони Монтана е настанат според животната приказна на Пабло Ескобар, но тоа и не е многу веројатно.

За време на снимањето на филмот имало проблеми со жителите на местото каде што снимале, па така тие морале да го преместат сетот од Флорида во Калифорнија, но незадоволството одело дури до таму што некои од актерите кои работеле на филмот добивале и смртни закани.

 

 

Главна причина зошто овој филм го има сегашниот статус е одличната изведба од страна на Ал Пачино во главната улога. Тој има е навистина, ефикасен, уверлив, харизматичен и успешно го држи вниманието скоро цели три часа. Иако има глумено во бројни филмови улогата на Тони Монтана може да се каже дека дефинитивно му ја одбележа неговата кариера.  Додека пак во плејадата на квалитетни актери може да се издвојат и Мишел Фајфер (Michelle Pfeiffer) како и Стивен Бауер (Steven Bauer) кој е единствениот вистински кубанец во целата актерска постава.

 


 

Овој филм може да се смета како задолжителна лектира за секој љубител на филмови. Насилна, ефективна и интересна приказна за пожртвуваноста, за желбите, мотивите, амбициите, пријателствата, почитта и предавството.

 

| ТВ Пакет

МОЖЕБИ ЌЕ ВЕ ИНТЕРЕСИРА

По дело на Живко Чинго, „Заминување од Пасквелија“ на Наша ТВ

Време на револуција и идеологија, време на пожари и поројни дождови. Време на разделби и …

Leave a Reply