Почетна / МК Сцена / Почина легендата Есма Реџепова, кралицата на ромската песна

Почина легендата Есма Реџепова, кралицата на ромската песна

 

Нашата кралица ја изгуби битката со болеста

 

Утрово тажна вест ја разбуди македонската јавност. Почина Есма Реџепова – еден од најголемите музички амбасадори на Македонија во светот и секаде славена како кралица на ромската музика.

 

 

Есма почина по кратко боледување, на свои 73 години. Есма беше жена која животот го посвети на хуманоста, човекољубието и добрината. Жената со божествениот глас, благодарение на ангелскиот глас стана светски прифатена и призната. Со песната, темпераментот и ромскиот музички ритам го освои светот. Есма стана лесно препознатлив македонски бренд во светот со својата оригиналност и музичка виртуозност. Во 2013 година ја доби и престижната титула “Национален уметник на Република Македонија”.

 

 

Легендарните изведби на Џелем џелем, Чаје шукарије, Зошто си ме мајко родила, Зајди зајди … ќе останат засекогаш запаметени, а свои соработки имаше и со врвни македонски музички имиња како Тоше Проески, Калиопи и Влатко Лозаноски.

 

 

Неброени концерти секаде во светот, неброени хуманитарни акции, дарувања на оние кои немаат. Почивај во мир, кралице!

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Тамара го изостави името на земјата : Честит празник, татковино моја!

Порталот Република пишува за честитката на поп пејачката Тодевска по повод денешниот празник – денот …