Почетна / Сапуници / Фото | Дознајте повеќе за ѕвездата на „Виорот на судбината“

Фото | Дознајте повеќе за ѕвездата на „Виорот на судбината“

 

Караман од “Во виорот на судбината” низ фотографии

 

 

Македонската публика најпрвин го запозна во улогата на Баран во серијата “Јунска ноќ”. Години подоцна се појави како главна улога и во “Грев”, а вистинско внимание кај нашите гледачки привлече преку најгледаната серија за оваа сезона “Црната роза” каде го толкуваше ликот на Мурат, главната причина да се кршат копјата за љубов и наследство во конакот на семејството.

 

 

И токму кога неговиот лик заминува од Розата, Сител телевизија ви понуди нова турска хит серија “Во виорот на судбината” која за кратко време ги привлече македонските девојки и жени пред тв екраните.

 

 

Луксузни куќи, модерни богаташи, семејни сплетки и љубовни замки ја карактеризираат оваа тв новела, во која главната улога му припадна токму на Озџан Дениз поради кого и најголем дел од публиката ја следи серијата.

 

 

Тој го толкува ликот на Караман, згоден и богат бизнисмен кој се вљубува во сурогат девојката која треба да роди дете на Караман и Дефне, неговата сопруга.

 

 

Што ќе се случува понатаму, дали тоа дете ќе се роди, дали ќе се дознае големата вистина што ја крие оваа приказна и дали Караман и Елиф ќе може да ја признаат и остварат својата љубов, останува да видите во наредните епизоди на Виорот.

Во продолжение ве запознаваме со Озџан Дениз, неговиот живот и пат кон успехот.

 

 

Озџан е роден во 1972 година во Анкара во просечно турско семејство. На 5 години, заедно со неговото семејство, емигрира во Ајдин каде го поминува детството и тинејџерските години.

 

 

Во тие улави и школски години, формира една мала театарска група која започнува да игра претстави во училиштето, а потоа и надвор од него во градот и околината. Театарските претстави кои ги играле биле правени по текст на самиот Озџан, кој појавувал љубов кон пишувањето.

 

 

Уште како млад започнува да се занимава и со музика, учествувајќи во неколку бендови и настапувајќи на некои талент шоуа. Со професионална кариера на пејач и композитор започнува да се занимава од 1992 година, и тоа во Германија каде тамошните продуценти го препознале неговиот талент и започнале сериозно да работат со него.

 

 

Досега има издадено околу десетина музички албуми, а врвот на својата кариера го достигнува кон крајот на деведесетите. Покрај кариерата на пејач и музичар, тој станува дел и од многу реклами како модел, поради тоа што е омилен кај тинејџерките и жените.

 

 

Првите чекори кон актерството ги има во 1994 година, учествувајќи во неколку туркси филмови. Голема слава во родната земја и арапските земји постигнува по 2000-та година, кога станува протагонист на многу турски серии.

 

 

Пред да започне со снимање на “Во виорот на судбината”, тој прекинува секакви контакти со медиумите кои сметаат дека тие го направиле ѕвезда и дека не треба да ги третира на тој начин и да одбегнува давање интервјуа и сликање.

 

 

Денес, Озџан е една од најголемите турски ѕвезди, за чии нови улоги, дополнително ќе ве известуваме понатаму.

 

Дани | ТВ Пакет

МОЖЕБИ ЌЕ ВЕ ИНТЕРЕСИРА

Нова турска серија „Црвената марама“ на новиот канал TDC

На кабловскиот оператор А1 започна со емитување нов канал, кој ќе емитува исклучиво турски серии. …