Грција нема пари за Евровизија, се откажува!

 

После Португалија и Полска, кои поради економската криза нема да учествуваат на натпреварот на Евросонг, своето учество во Шведска го откажаа и Грција и Словачка. Грците, кои секоја година се сметаат за едни од фаворитите, соопштија дека поради тешката економска криза во својата земја нема да можат да се натпреваруваат во Малме, соопштува Сител.

 

„Не е проблемот само во тоа што немаме 120.000 евра, колку што чини учеството и телевизиските права, туку сметаме дека би било неморално да учествуваме на Евросонг во текот на најголемата криза во историјта на Грција“, рекоа градските власти за грчката државна телевизија.

Кипар, за кој се сметаше дека исто така ќе се откаже од натпреварување, сепак го потврди своето учество. Многумина веруваат дека својот настап ќе го откажат и Словенија и Црна Гора. Што се однесува до другите земји од регионот, сите го потврдија своето учество на 58-иот натпревар на Евросонг. Еуфоријата околу Евросонг веќе почна. Во понеделникот, само за 20 минути, се продадени првите 5.500 влезници.

 

 

 

Крис Манев | ТВ Пакет