Почетна / МК Сцена / Видео | Бојана Скендеровски со преработка на „Море сокол пие“

Видео | Бојана Скендеровски со преработка на „Море сокол пие“

Пејачката Бојана Скендеровски на овој голем ден Илинден ги почасти Македонците со нејзиниот најнов проект, кој, како што вели, е направен од душа и со душа.

Станува збор за преработката на една од најубавите македонски песни со наслов „Море сокол пие“.

„Ова е моја честитка за Илинден. Патриот сум во душа, а сега во овие сензитивни времиња за нашата земја и народ во кои сме принудени да го браниме своето и да го докажуваме сето она што е наше и ни припаѓа, се почувствував должна како уметник да го направам овој проект“, вели Бојана и додава дека својата љубов кон родољубивите песни кои често ги пее решила да ја искаже токму преку изведбата на „Море сокол пие“.

Видеото е со потписот на Дарио Јанковиќ, а кадрите се снимани на повеќе локации низ Македонија, и тоа во Мариово, Велес, Кокино, Старо Нагоричане во црквата Св. Ѓорѓи, стара повеќе од 1000 години.

„Овој проект е во чест на сите Илинденци кои го дале својот живот за да ја имаме оваа наша Македонија, која во овие турбулентни времиња мораме да ја сочуваме онаква каква што ни ја оставиле во аманет“, завршува Бојана.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Специјални гости се дел од концертите на Наум во Охрид и Битола

На јубилејните концерти на Наум во Хераклеа Битола и Долни Сарај Охрид, ќе настапат и …

error: Содржината е заштитена!