Почетна / Серии / „Свет без крај“, уште една серија од Телма, репризно на МТМ и локалните

„Свет без крај“, уште една серија од Телма, репризно на МТМ и локалните

Од сабота (23 мај 2020) во 20 часот, прва скопска МТМ телевизија ќе започне да ја емитува мини серијата “Свет без крај”, веќе емитувана на Телма телевизија. Репризните изданија на МТМ се во недела во 22.20 часот и вторник во 21.15 часот, а во наредниот период, серијата ќе се прикаже и на другите локални станици ширум земјава.

Oваа средновековна драма “Свет без крај” е канадско-британска продукција, снимена по истоимената книга на Кен Фолет, авторот и на “Столбовите на земјата”. Снимана е во Унгарија, Австрија и Словачка, а во главните улоги настапуваат Синтија Никсон, Миранда Ричардсон, Питер Фирт, Бен Чаплин, Шарлот Рилеј, Руперт Еванс и многу други.

14 век, Англија, време на природни катастрофи, војни и болести, време за превласт и време кога се јавува смртоносната чума. Дејството на серијата е сместено 150 години понапред од она во Столбовите и претставува хроника на случувањата во едно англиско измислено гратче, Кингсбриџ кое станува мета на борба за власт во текот на стогодишната војна со Франција.

Како би го спасиле градот, младата визионерка Керис, нејзиниот љубовник Мертин и сер Томас ќе соберат луѓе кои ќе треба да се спротистават на Црквата и Кралството. Нивната храброст ќе ја инспирира цела Европа, па во сите градови и села, луѓето ќе започнат масовни буни за своите права и борба против самоволието на свештениците и владарите.

Дани | ТВ Пакет

МОЖЕБИ ЌЕ ВЕ ИНТЕРЕСИРА

„Преспав“ се враќа со петта сезона – очекувајте го стартот на МРТ 1

Од идниот месец на Македонската телевизија следува нова, петта сезона од популарната серија „Преспав“. Снимањето …

Leave a Reply

error: Содржината е заштитена!