Низа играни проекти подготвува РТС за новата ТВ сезона

Главниот уредник на драмската и домашната програма на РТС, Марко Новаковиќ, откри што ги очекува гледачите во претстојната телевизиска сезона.

Гледачите, како и секоја сезона, на јавниот сервис можат да очекуваат исклучително разновидна и содржајна драмска програма и тоа од комедија и епизодни формати до врвни драмски и криминални продукции.

– Домашните серии се дефинитивно наша работа. Имаме наслови што ќе започнат од есен, имаме наслови што ќе почнат на зима, а нешто чуваме и за пролет.

Тука е „Адвокатки“, потоа „Пупин“, а не смееме да ги прескокнеме и новите епизоди на „Радио Милева“.

Тука е и серијата „Плава крв“, чие снимање штотуку заврши, како и одлична мини-криминална серија наречена „Окамова острица“ – изјави Новаковиќ.

Марко се осврна и на драмата „Тврѓава“, која ја одбележа минатогодишната телевизиска сезона на РТС.

– „Тврѓава“ (Тврдина) сега оди на неколку странски фестивали, во Варшава, Брно, Берлин, Италија… Оди на неколку важни европски фестивали.

Се трудиме, покрај навистина големиот број епизоди што ги продуцираме годишно, секогаш да имаме она што се нарекува „малку забава“, но имаме и нешто како „Тврѓава“. Мислам дека имаме програма за сите, за широк спектар на публика – заклучи Новаковиќ.

Дани | ТВ Пакет