Два победника во финалето на „Звезде Гранда“ оваа сабота

Завршницата на најгледаното музичко натпреварување во регионот „Ѕвездите на Гранд“ носи бројни новости, неизвесност каква што одамна не се памети и дополнителен мотив за финалистите, кои оваа година ќе се борат за повеќе од едно големо признание.

Имено, по неколку години, натпреварувањето ќе добие двајца победници. Едниот, како и досега, ќе биде избран од публиката преку СМС-гласови, додека другиот ќе го избере стручното жири. За победникот по избор на жирито ќе одлучува стандардниот состав од седум члена, како и Сања Вучиќ и продукцијата. Гласањето ќе биде тајно, а на менторите нема да им биде дозволено да гласаат за своите кандидати.

Посебна тежина ќе има признанието што ќе му припадне на победникот по избор на жирито, бидејќи ќе ја освои статуетката „Саша Поповиќ“, именувана во чест на човекот кој го создаде и ја испиша историјата на ова музичко натпреварување.

Веста дека оваа година ќе има две титули беше пречекана со големо воодушевување меѓу кандидатите. Многумина истакнуваат дека дополнителна сила им дава сознанието дека сега постојат две можности за победа, но сите се согласуваат во едно дека најважно е признанијата да завршат во рацете на оние кои во текот на целата сезона покажаа најмногу талент, труд и посветеност.

Кој ќе ги понесе престижните титули и ќе го запише своето име во историјата на „Ѕвездите на Гранд“, ќе дознаеме во сабота, на 20 јуни, од 21 часот. Финале!

Дани | ТВ Пакет