Стартна победа за Македонија на Светско

Победа за Македонија уште на стартот во Светското првенство. Нашите шампиони остварија значајна стартна победа, ја совладаа селекцијата на Чиле со 30-28 во натпреварот што се одигра денеска. Започнавме добро со водство од 4-2, но дозволивме противникот да направи пресврт и да дојде до предност 7-4. Првото полувреме беше затворено со резултат 12-10 за нашата репрезентација, а натпреварот заврши со 30-28. Најефикасни во нашиот тим беа Кире Лазаров и Дејан Манасков кои постигнаа по 8 погодоци. Утре во 18:00 часот Македонија игра против Катар, а директниот пренос ќе се врши на Сител телевизија. Се надеваме дека среќата ќе продолжи да не следи и на утрешниот натпревар. Напред Македонија!

Крис Манев | ТВ Пакет