Почетна / Филм / The Hunger Games

The Hunger Games

 

 

23-ти март

 

Игрите на гладните
Режија: Гери Рос (Pleasantville)
Сценарист: Гери Рос, Сузан Колинс
Улоги: Џенифер Лоренс, Џош Хачерсон, Лиам Хемсворт, Вуди Харелсон, Стенли Тучи, Лени Кравиц, Доналд Сатерленд, Елизабет Бенкс
драма, авантура


 

Во руините на местото кое некогаш било познато како Северна Америка, се наоѓа државата Панем. Главниот град на Панем е Капитол и тој е опкружен со 12 реони. Капитол живее во сјај и богатство, додека луѓето од 12-те реони живеат во беда и се борат за секој следен ден да го дочекаат живи, да не умрат од глад. Не е дека не се обиделе да се спасат од одвратноста на Капитол. Во минатото тие кренале востание, но Капитол ги поразил и го уништил 13-иот реон кој тогаш постоел за да им покаже што ги очекува ако уште еднаш се обидат да се бунтуваат. Од тогаш, работите се само полоши. Капитол има свој монструозен начин на кој ги држи реоните под контрола. Секоја година, во Капитол се одржуваат Игрите на гладните. Од секој реон, се разбира освен од Капитол, по пат на лотарија се избираат едно момче и едно девојче, на возраст од 12 до 18 години – наречени трибути и се испраќаат во Капитол. Таму трибутите ги ставаат во голема арена на отворено каде треба да се убиваат меѓусебно сè додека не остане само еден преживеан… а сето тоа другите го гледаат во живо на телевизија. За Капитол тоа е празник, тие се обложуваат за победници, доаѓаат за да гледаат, се радуваат. За реоните тоа е само уште еден показател дека се бедни и немоќни, дека мораат да ги праќаат своите деца во смрт и не смеат да мрднат ни со прст.

 

 

 

 

DarkShadow | ТВ-пакет

 

МОЖЕБИ ЌЕ ВЕ ИНТЕРЕСИРА

Бидете и вие дел од авантурата за „Човекот кој го уби дон Кихот“

“The man who killed Don Quixote” е филм на Тери Гилијам, и е реализиран според …