Почетна / Телевизија / ТВ Емисии / Ана Стојановска и Дритон Вејсели во првата македонска доку-серија „Радиус“
Придружете им се на Ана и Дритон во авантуристичките патувања низ времето во новата доку-реалити ТВ серија

Ана Стојановска и Дритон Вејсели во првата македонска доку-серија „Радиус“

Викендов на МТВ 1 и Алсат почна да се емитува новата доку-серија „Радиус” и во моментов најпопуларните македонски актери, Ана Стојановскa и Дритон Вејсели ги видовме во улоги кои ќе ве освојат на прва.

Ана блеска со својата компетитивност и подготвеност за акција. Таа е ранобудник со иницијатива секогаш подготвена за нови откритија. Наспроти неа го имаме Дритон кој е повеќе „турни ме да кинисам”, со телефонот во рака постојано го бара пократкиот пат до целта, а попатно неизбежно ги открива местата со најдобра храна. Не може да не ги засакате поради нивната уникатност, снаодливост и свежиот хумор.

Приказните во секоја епизода се оние кои не поврзуваат но и не прават посебни, поврзани се со културното наследство, традициите и вредностите кои се заеднички за народите на Балканот, вкусната храна и прекрасната природа на регионот, како и луѓето во чии животи и професии се препознава важноста на минатото, но и погледот кон заедничката иднина.

Првата епизода, во која Ана и Дритон ja истражуваат магијата на традиционалното занаетчиство и рачните изработки во Скопје и Призрен веќе е достапна на платформата Gley и на YouTube каналот Радиус. Серијата беше финансирана од Европската унија, во креативна и извршна продукција на ОХО и предвидено е да има 15 епизоди, во првата сезона. Ќе се емитува секоја недела на МТВ 1 од 18.45 часот и на Алсат М од 18.10 часот.

Дани | ТВ Пакет

МОЖЕБИ ЌЕ ВЕ ИНТЕРЕСИРА

Кумба: „Не можам да најдам алишта, не ме фрустрира тежината, туку понудата”

„Нешто конкретно” оваа недела со тема – комплекси. Како се излегува на крај со искомплексираните …

error: Содржината е заштитена!